Micaela Lecuona Arruabarrena, Santiago kalean jaio zen. Nahiz eta politikaren zein sindikalismoaren aldetik ez nabarmendu, beste irundar batzuekin batera, garrantzitsua izan zen bere hiriaren loratzean. Hamalau urte zituelarik, bere ahizpa Juanitarekin hasi zen lanean, pospolo-fabrikaren paketatuen atalean. Wagon Lits-eko langilea zen José Mª Estagnan Santesteban irundarrarekin ezkondu zen. Ezkondu eta handik gutxira, Madrilen eman zioten lantokia eta bertan izan ziren gerraldi osoan. Gerra bukatu ostean, beren herrira, Irunera itzuli ahal izan ziren, eta han jaio ziren beren seme-alabak. 82 urterekin hil zen.