23 urterekin, 1937ko irailaren 28an, atxilotu zuten Carmen Aguirre. Haurdun sartu zuten kartzelan eta lekuz-leku mugiarazi zuten erditu arte: lehenbizi Ondarretako presondegian; 38ko otsailan, San Jose babes-etxera (medikuaren gomendioz); apirilean, amatasun etxera, erditzera; eta azkenik San Jose babes-etxera berriz.

1937ko iraila eta 1938 abuztu artean, behin behineko espetxe zigorra ezarri zioten. Sententziaren arabera, ezkertiarra zen Aguirre eta Donostian bizi zen 36an. Altxamenduan, “mugimendu loriatsuaren” aurkako manifestazioak egin zituen eta hiru urteko espetxe zigorra ezarri zioten, “matxinada militarra” sustatzeagatik.

1940ko irailaren 23a arte espetxean mantendu zuten faxistek eta 1944ko abenduaren 22an likidatu zen Carmen Aguirreren zigorra.