Simone Chrisostome

Simone Chrisostome, bere aita bezala, Alemaniaren okupazioaren aurkako Erresistentzian sartu zen. Naziek 1943ko apirilaren 1ean atxilotu zuten, eta Angerseko espetxean eta, geroago, Romainvilleko gotorlekuan espetxeratu zuten. Abuztuaren 29an Ravensbrück-eko kontzentrazio-esparrura bidali zuten (22352 zenbakiko presoa). Simone Neubrandenburgera bidali zuten, erdialdeko eremutik 50 kilometrora. Gerraren azken hilabeteetan, sobietar armadaren aurrerapenaren aurrean, alemaniarrek zelaia hustu zuten, eta Simonek, 5.000 lagun baino gehiagorekin, Ravensbrücketik Bergen Belsengo kontzentrazio-esparrura jo zuen. Zaindarien deskuidu bat aprobetxatuz ihes egitea lortu zuen 1945eko apirilaren 30ean. Simone Hendaiara itzuli zen ekainaren 2an. Bere osasuna errekuperatzen egon zen Aldudesen eta Parisen. Erizaintzako ikasketak egin zituen eta Beaujon Ospitalean ikuskatzaile orokorra izatera iritsi zen. Geroago Lluís Vilalta ezagutu zuen, Mauthausenen lau urte 4440 presorekin eman zituen tarragondar bat. Simonek preso jantzia gorde zuen hil zen egunera arte, preso politiko gisa bereizten zuen triangelu gorriarekin. Frantziako ikastetxe eta institutuetako gazteekin partekatu zituen bere esperientziak. 2020ko abenduaren 31n hil zen Hendaian.

0 Comments

Nieves Alvarez Rodriguez

Nieves Alvarez Rodriguezen gurasoak Amador eta Visitacion ziren. Anai-arrebak, Jose, Gildo, Ignacio, Carlos, Asuncion, Luisa, Mercedes eta Teresa. 1936ko irailean denek, Josek, Gildok eta Ignaciok izan ezik, Hendaiara ihes egin zuten. Ondarretan espetxeratuta izan zen.

0 Comments

Luisa Alvarez Rodriguez

Luisa Alvarez Rodriguezen gurasoak Amador eta Visitacion ziren. Anai-arrebak, Jose, Gildo, Ignacio, Carlos, Asuncion, Mercedes, Nieves eta Teresa. 1936ko irailean denek, Josek, Gildok eta Ignaciok izan ezik, Hendaiara ihes egin zuten. Ondarretan espetxeratuta izan zen.

0 Comments

Rufina Mikelarena Ayoroa

Iheslariei aterpe eman eta muga igarotzen laguntzeagatik, hiru egunez torturatu zuten Irungo polizia etxea, Meliton Manzanas polizia komisarioaren aginduz.

0 Comments

Faustina Ruiz García

Sententziaren arabera, "gertakari iraultzaileetan, miliziano gorriei Martinchi baserrian bi faxista errefuxiatuta zeuden lekua seinalatu zien". Hauek atxilotu ostean faxisten heriotza "eskatu" zuen eta fusilaturiko pertsonen hilotzetara joatean, "haragi freskoa ikustera edo zerriak ikustera zihoala esan zuen".

0 Comments
Bilatu fitxak