Sofia Almandoz Macazagak Amantegi Batailoian borrokatu zuen. Donostiatik Bilbora joan zen, eta, ondoren, Santanderrera. Handik Donostiara itzuli zen. Han atxilotu eta 12 urteko kartzela-zigorra ezarri zioten, eta horietatik 4 bete zituen. Ordutik aurrera Irunen bizi izan zen.
Adela Etxeberria Etxalarko Udaleko zinegotzia izan zen 1936an. 1936ko uztailaren 22an Guardia Zibilaren aginduz Udaleko alkate eta zinegotziak kanporatuak izan ziren. Era berean, abuztuan zenbait bizilagun Etxalarretik kanporatu zituzten, horien artean Adela Etxeberria
Juana Arregui Urteaga boluntarioa egon zen Irungo Gerra Komisarian.
Dolores Arregui Garaigordobil Irungo Fronte Popularreko kidea izan zen. Halaber, Eusko Alderdi Jeltzaleko zuzendaritza taldeko eta elementu nabarmena izan zen
María Luisa Garayarrek Cométe sarearekin kolaboratu zuen, aitari lagunduz Frantzia edota Belgikatik heldu ziren hegazkinlariak Errenteriara eta hemendik Donostiara eramaten lagunduz. 1943an bere ama Claudia atxilotu zuten eta sei hilabete eman zituen Ondarretako espetxean. Maria Luisa eta bere lau anai-arrebak senideen artean banatu zituzten.
Emilia Perez Irungo Cerillas fabrikan lan egin zuen. Halaber, Irungo Elkarte Socialistako kidea izan zen.
Filomena Lazard Irungo Cerillas fabrikan lan egin zuen. Halaber, Irungo Elkarte Socialistako kidea izan zen.
Tomasa Gomez Sanchex Irungo Cerillas fabrikan lan egin zuen. Halaber, Irungo Elkarte Socialistako kidea izan zen eta Fronte Popularreko alderdietako elementu nabarmena izan zen.
Rosa Iglesias Vicente Irungo Cerillas fabrikan lan egin zuen. Halaber, Irungo Elkarte Socialistako kidea izan zen eta Fronte Popularreko alderdietako elementu nabarmena izan zen.