1944ko urriaren 16an atxilotu zuten Ondarreta, Irungo Polizia Komisarioaren aginduz. Espetxealdiak zortzi egun iraun zituen eta Gipuzkoako Gobernadore Zibilaren aginduz aske irten zen.

Ofizioz atxilotu zuen Irungo Poliziak Pilar Morentin. Mugako epaile bereziak 1940ko abenduaren 27an Ondarretan espetxeratzeko agindua eman zuen eta bertan egon zen 1941eko irailaren 26a arte.

1939ko maiatzaren 19an espetxeratu zuten Irene Iglesias Ondarretan. VI. Gune Militarreko Gerra Auditorearen ardurapean jarri zuten Iglesias, prozesuari izaera militarra ezarriz. 1940ko martxo hasieran espetxe zigorra berretsi zioten eta martxoaren 13an etxeko espetxeratzea ezarri zioten.

1939ko martxoaren 7 eta 1940ko martxoaren 12 artean Ondarretako espetxean egon zen. Egonaldi osoa behin-behineko espetxean burutu zuen eta epaileak aske utzi zuen kasua jaso zuenean. Instrukzioan, Escalerari leporaturikoa ez zen delitu.

1941eko urriaren 24ean atxilotu zuten eta azaroaren 22an, aske utzi zuten espetxe zigorra ez zelako berretsi. Ondarretako kartzela utzi ostean, urte betez, Hondarribiko Guardia Zibilaren hilabetero sinatzen egon zen.

1939ko martxoaren 7an atxilotu zuten. Ia urte betez behin-behineko espetxe zigorran egon ostean, 1940ko urtarrilaren 26an gauzatu zuten Agueda Bozasen aurkako Gerra Kontseilua. Ofizioz lisatzailea zen eta lanean zegoelarik, Espainiako bandera zuen mahuka-biki batzuk erori zitzaizkion galtza batzuetatik.

Irungo mugako epaile bereziaren aginduz espetxeratu zuten Pastora Bengoechea Ondarretan. Zazpi egun iraun zituen espetxeraldiak, 1940ko abenduaren 16tik 23ra. Lehen bost egunak inkomunikazio erregimenean pasa zituen.

Polizia Armatuak, Gobernadore Militarraren aginduz, 1945eko azaroaren 17an atxilotu zuen Juana Alza. Zazpi eguneko espetxealdiaren ostean, Poliziak interrogatze eskaera egin zuen eta Alza espetxetik atera zuten.